بسم الله الرحمن الرحيم
السلام عليكم ورحمة الله وبركاته
>>>اول ما يرن جرس الفسحة<<<
اولا البنات..
- تشوف شلة بنات داخلين الحمام ..
اللي تعدل شعرها والثانية تعدل كحلها وكل وحدة منهم تسولف
عن اللي سوتا في اخوها الصغير امس ..
- وفيه بنات يلبسون نظارات شمسية جديدة (توهم شارينها من أبو ريالين)
يستعرضون فيها وإذا زلت بنت لا قدر الله وسألته عن ماركة النظارة...
تقول و الله من كرستيان ديور.. أو شنل.. وتقوم تطلع كلللللللل أنواع الماركات..
- كل بنت تمشي وفمها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترجع البيت على طول الا وادق على المطعم
- والبنات الاذكية ( اللي مهتماااااااااااات ) اول مايرن الجرس تشوفها داخلة غرفة المدرسات تبي الاستاذه تشرح لها الدرس اللي كانت هي متغيبه فيه
- وبعض البنات اتشوفهم متحذفين ورا اللوكر.. يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويركضون الكافتيريا
–يحجزون لهم مكان – واول مايرن الجرس الاكل كله مخلص مافيه الا عصير يتهاوشون البنات عليه واخرتها يطلع منتهي ......
ثانيا الشباب:
((الله يستر))
خلونا من البنات وانروح انشوف وش يسووووون الشباب في الفسحة ..
- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )
- واثنين من الشباب ينتظرون متى يروح المدير اللي صار له واقف ساعة قدام الصف
واول مايتحرك خطوتين يشلون شلايلهم وينطون من الطوفة ويشردون من المدرسة
ويمرون على كم محل في طريقهم وبعد نص ساعة يرجعون المدرسة ..
وشلة تروح ورا المدرسة يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما ومايدروون الا المدير حابسهم في غرفة الاحتجاز ويسوي تليفون حق ابهاتهم .
- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويالس ع المسن والا يكلم صديقتهـ والا يلعب بليستيشن
اتمنى يعجبكم الموضوع
الرئيسية 
الخميس ديسمبر 18, 2008 5:32 pm
